Plezhė - Bushat, Shkodėr

Kur do tė ē’ngujohet familja e njeriut tė parė qė u ngujua nė Shqipėri?

  Liria e vrarė e Ndoc Kapcarit

Oborri i shtėpisė sė tyre ka njė formė tė ēuditshme, gjysėm rrethor e gjysėm katėrkėndėsh, me mure tė lartė ngjyrė shiu dhe me shumė mister. Prej larg shtėpisė i dallohet vetėm taraca, njė shesh i mjeruar betoni mbi banesėn-garazh, ku ata jetojnė prej vitit 1994. Herė pas here nėpėr tė, prej larg, dallohet njė grua, e cila ngjitet pėr tė vrojtuar fushnajėn e verdhė. Nė dorė i shquhet njė armė. Eshtė Xhovana Kapcari. Ndonjėherė rojen e bėn e bija e saj, 18 vjeēare. Ndoci ruan veē natėn. Dy qentė e tyre janė gjithnjė roje.  

Ata jetojnė aty, tė ngujuar dhe ndoshta janė tė vetmit shqiptarė qė thuajse nuk e patėn fatin ta prekin me dorė ndryshimin e thellė qė pėsoi vendi nė vitet pas rėnies sė diktaturės.  

Dikush kėrkon t’ i vrasė dhe ata duhet tė fshihen pėr t’i ikur plumbit. Shteti nuk i mbron. As tė afėrmit nuk i mbrojnė dot. Tė njohurit e tyre vetėm ofshajnė, ndėrsa zyrtarėt thonė se rasti u duket i pashpresė. Kanė kaluar mėse dhjetė vjet tashmė.

Vetėm ndonjė armė e vjetėruar qė pėrpiqen ta fshehin kur u vijnė njerėz, u jep atyre njerėzve tė stėrlodhur nga pritja njėfarė sigurie tė dyshimtė. Ndoci gati qan kur e pyet sesi. Sytė e 51 vjeēarit janė plot mall pėr njė jetė qė iu mbyll pikėrisht kur ai nisi tė besonte tė kundėrtėn.

PLUHUR DHE GJAK

Ju nuk besoj tė keni qenė nė Plezhė, njė fshat pak kilometra, pasi kalon Bushatin, pa arritur nė Shkodėr. Fshati ėshtė shumė i bukur i hapėrdarė hareshėm pėrmbi njė kodėr pjellore, ku spikasin gjelbėrt frutorė dhe degėza hardhie. Ndoci ka lindur aty. Po aty, tani po pret vdekjen. Nė njė mėnyrė tė mjerueshme, ai thotė se bukėn e gojės mezi e nxjerr, nėse nuk ia falin. Njė nip qė ka tashmė nė Itali i ndihmon dhe vajza e madhe gjithashtu i pėrkujdes disi. I vogli i tyre, djali i vetėm 10 vjeēar, ka lindur vonė. Ai ėshtė vėrtet njė fėmijė “gjaku” qė ata e pėrcjellin me shumė dhimbje nėpėr fjalė qė thonė pa shumė kuptim. E duan si udhėtari mirazhin e jetės. Por kanė shumė frikė pėr tė. Dy herė kanė tentuar t’ua vrasin, ndėrsa ishte i vogėl, katėr vjeē. Ata thonė se e kanė bėrė kėtė nė emėr tė Kanunit. 

Po tė cilit Kanun? Kur i jam drejtuar asaj shtėpie, ndėrsa makina kafshonte zhavorrin e hollė tė rrugės pėrgjatė njė vije tė thellė uji, mė ėshtė kujtuar Emil Kusturica dhe ironia e tij pafundėsisht e dhimbshme pėr ata qė nuk arritėn asnjėherė ta njohin lirinė, duke u pėrpjekur tė shpėtojnė thjesht lėkurėn, pa e kuptuar se lėkura e jetės ėshtė vetė liria.  

Por Ndoc Kacari e do lirinė e tij. Nė shkurt tė viti 1991 ai ishte nė njė radhė dyqani, po merrte vezė, ende mban mend sa kokrra donte tė blinte, i kujtohet vendi, pamja, ajri i tendosur… Shkund sytė prej pamjeve qė e drithėrojnė, ndėrsa thėrret “Xhovana, sill ndonjė send pėr miqtė”. I duhet kohė. Tė marrė frymė. Tė rikthehet. Mbrapsht. Eshtė po atje, nė Shkodėr, ku jetonte me fėmijėt e tij dhe gruan shtatzanė. Xhovana kujton detaje, mes fjalėve tė tij tė hutuara.  

“Tre djem erdhėn dhe mė tėrhoqėn pėr krahėsh, mė nxorrėn nga rradha. Donin tė merrnin pėrpara meje, tė mė linin pa vezė…” Ky rrėfim ėshtė i vėshtirė tė kuptohet nga dikush qė nuk e ka jetuar zinė e bukės sė vitit 1991.  

E shoh si sheh tė shoqen. Me sy tė butė. Ajo ka qenė shtatzanė atėherė. Ata prisnin djalin e vetėm, qė tani as nuk e gėzojnė dot. Ai duhej tė kthehej nė rradhė. Ka luftuar. Eshtė pėrleshur. Kishte orė qė priste nė dyqanin e ngushtė. I ka dėbuar djemtė huliganė dhe shumė i lumtur arrin tė dalė mė pas nga shitorja duke mbajtur nė dorė njė trastė me dhjetė kokrra vezė. Mezi pret tė arrijė nė shtėpi. Por njė goditje nė zverk me njė gjyle tė hekurt e lėkund keqas. Mbahet pas hijes sė trupit tė tij tė lidhur. Reziston. Njė levė e dytė e godet nė shpatull ndėrsa njė i tretė i ngul nė kurriz dy thika. Eshtė i nxehtė gjaku i tij. I rėndė. Lėkundet dhe bie pa ndjenja ndėrsa nė shpinė njė gjė djeg pafundėsisht. Djali i fundit qė i ka ngulur thikėn, merr biēikletėn qė ka lėshuar pėrdhe’ dhe ikėn nga sytė kėmbėt, pa dalluar se fare pranė ndodhet njė shtyllė tensioni. Pėrplaset pas saj, lėkundet dhe bie bashkė me biēikletėn. Koka i has nė asfalt, nė kėndin e betontė tė trotuarit me rrugėn. Pingul. Vdes. Atypėraty. Njerėzit mblidhen dhe Ndoc Kapcari tregon se ai ka parė vetėm njė grumbull me njerėz qė megjithėse ai ishte i plagosur rrinin pėrreth njė gjėje tjetėr, qė ai e dalloi se ishte njė njeri. Me shumė mundim, arriti tė pyeste dhe nė fund vendosi tė shkojė drejt e nė polici. Kishte ndodhur njė fatkeqsi dhe ai gjendej nė qendėr. Ky ishte gjithė faji i tij.

Tre hetuesi tė njėpasnjėshme provuan se ai ishte i pafajshėm. Familja qė humbi djalin e akuzoi Ndocin si vrasės, por ai kėmbėnguli se nuk kishte gisht nė ēfarė kishte ngjarė, madje ai ishte viktima reale e ngjarjes dhe jo shkaktari i saj. Familja e prekur nga dhimbja e humbi arsyen dhe i kėrkoi Kapcarit tė ngujohej pėrndryshe jeta e tij do tė merrte fund nė plumb. Dhe Ndoci u mbyll nė pritje tė arsyes. Por ai nuk e dinte ende se ku jetonte.

Duke pritur Jetėn

Qė nga ai ēast kanė kaluar dhjetė vjet. Ndoci tregon se persona tė panjohur qė ai thotė se mund tė jenė edhe tė paguar kanė tentuar ta vrasin gruan e tij dhe vajzėn e madhe qė atėherė ishte vetėm 13 vjeēe. “Ma kanė shpėtuar komshinjtė”- thotė me mirėnjohje. Katėr vjet pas kėsaj ngjarje, njė grua e veshur me tė zeza u shfaq nė shkallėt e pallatit tė tij dhe qėlloi me pistoletė kundėr njė vogėlushi qė po luante atypari. Ishte i biri i Ndoc Kapcarit. Zoti desh qė djali tė mos vritej, por prej asaj dite fėmija u mbyll, sepse siē thanė njerėzia, e ėma e djalit tė vdekur e kishte humbur mendjen.

Kur ai mbushi pesė vjeē, Kapcari dhe e shoqja arritėn tė gjejnė rrugėt pėr t’i nisur djalin dhe vajzėn e madhe nė Itali te disa tė afėrm ku ata do tė mund tė ishin pak mė tė sigurt. Njė vajzė e mbajtėn pranė vetes dhe tani ajo jeton bashkė me prindėrit, ngujuar, nė pritje tė fatit tė saj. Ndoci thotė se u detyrua ta braktiste Shkodrėn, kur rreth 15 vetė tė armatosur i sulmuan shtėpinė me idenė pėr ta vrarė brenda nė shtėpi me ēdo kusht. Me 100 peripeci shpėtoi nė minutėn e fundit gruan dhe vajzėn, ndėrsa vetė iku rrokopujė mes plumbash, derisa ndaloi njė makinė e cila e pėrcolli miqėsisht deri nė fshatin Plezhė, ku ai u kėrkoi ndihmė bashkėfshatarvė te tij. Dikush solli blloqet, dikush bėri llaēin dhe tė gjithė bashkė i ngritėn Ndoc Kapcarit atė shtėpi garazh qė ai mban prej mėse 5 vitesh.

Natėn njerėz tė panjohur i sillen pėrreth shtėpisė duke ēmendur qentė dhe duke i bėrė burrė e grua tė jetojnė nėn terrorin se dikush do t’i vrasė patjetėr dhe se e gjithė jetėvdekja e tyre ėshtė njė ēėshtje kohe. “Hedhin edhe gurė”- thotė Ndoci me zėrin qė i ėshtė mrrolur nga stressi. Nė mes tė shtėpisė ka njė fuēi me rėrė pėr t’u fshehur nėse dikush do t’i sulmojė me armė tė rėnda. Shteti nuk ekziston nė kėto anė. Ose tė paktėn pėr Ndoc Kapcarin nuk ka mė shtet. Shteti ra mė 1991 dhe ai vdiq pėrposhtė trupit madhosh tė djaloshit qė i nguli burrit shtatfortė dy thika nė shpatull. “Kam denoncuar sa herė. Jam i kėrcėnuar,- thotė Ndoci me sy nga oborri. Por fjalia qė ai thotė mė shpesh ėshtė “Unė jam i pafajshėm”. Dhe nė fakt kėtė e dinė tė gjithė.

Fjalė, imzot, vetėm fjalė…

Dera e Ndoc Kapcarit ka qenė gjithnjė hapur pėr miqtė. Zėvendės- ambasadori gjerman ishte para njė muaji gjithashtu pėr njė vizitė nė shtėpinė e njeriut qė nė vend ėshtė ngujuar i pari.

- Po sikur tė mė hyjnė nė oborr, tė vijnė pėr tė mė vrarė ēfarė t’u bėj unė?,- tregon Ndoci sesi e ka pyetur zėvendės-ambasadorin gjerman.

- Vraji, qėlloi dhe vraji- mė tha,- vazhdon tė rrėfejė Ndoci. Kėshtu mė tha gjermani, asnjė ligj nuk tė dėnon dot! Gjithė veprimet e tij kanė tani disi lidhje me armėn, qė e mban mbushur e ngrehur. Xhovana shkon e vjen nėpėr shtėpi, ndėrsa nė tryezė hapen si pa ndjerė albumet. Nuk ka asnjė foto tė marangozit tė dikurshėm tė Shkodrės, asnjė pėr be’. Duhet t’ i ketė hequr pėr tė mos e vuajtur mė tej lirinė e munguar.  

Nė shtėpinė e Ndocit ka shkelur edhe Avokati i Popullit. Ermir Dobjani, u ka premtuar atyre viza pėr nė Kanada si rruga mė e mirė pėr t’i nxjerrė nga ky gjak i marrosur. Ndoci e beson se avokati nuk gėnjen. Por ai nuk beson se kjo gjė do tė mund tė ndodhė.  

“Edhe pak thotė, ndėrsa ne jemi ngritur pėr tė ikur, edhe pak dhe nuk duroj mė. Do tė dal. Po deshėn tė mė vrasin, le tė mė vrasin e le tė bien rehat, po mė bėhen 11 vjet mbyllur”.  

Xhovana hap e mbyll portėn e hekurt qė rrėshqet e pazhurmė pas makinės qė del pragun. Pėrtej metalit tė zi tė saj i shoh ende duart e tyre qė varen dhe nuk pėrshėndesin dot mė; asnjeri. Duart e tyre e kanė humbur lirinė pa pasur pranga.  

Ndėrsa brenda atij oborri pa shumė formė, nėpėr barin e shkurtėr bojėvjeshte, ka mbetur tani e ngujuar edhe liria ime…

Shkurt 2002

Lajmet e dites